أنا والليل .. بقلم .. بتول العتربي

أنا والليل وكان لينا
هناك مواعيد
وساعة الفجر بتجينا
نقول ونعيد
ونقضى أحلى اوقاتنا
ويومنا سعيد
لكن فى حياتنا شئ تانى
بيبعدنا يودينا
لمعنى جديد
وآه م الفرقة لو تيجى
جراحنا تأييد
وننسى الفرح ونسلم
لأمر عنيد
يصر بطوقه يخنقنا
ويرمينا فى سكة بعيد
ونشتاق لأفراحنا ولمرحنا
فى يوم العيد
نطبب ساعة لجراحنا
نداويها بحب فريد
ومهما يكون
أنا والليل وحبيبى
فى وعد أكيد
ولا فى يوم راح نبعد
ونتأثر ونتحسر
نعيش تسهيد
مادام الشوق يجمعنا
سوا بنقدر ولا نفارق
قلوبنا حديد
يصير الحب دا زادنا
وزوادنا
وأوقاته معانا تزيد
# بتول العتربى

١٤