وصفولى الحب لقيته كلام ف كلام
بالكذب وكل الدنيا بتعرف ليه
لو كل حبيب مكدبشى آمال إحنا بنكتب إيه
مر وسهد وهجر وغدر شويه عليه
ياللى هجركوا حبيبكوا انسوه
هيريحكوا وينسيكوا الذل ياهوه
ومفيش تانى دموع ولا شوق
ولا مسخرة ولا قله ذوق
إنت ف زمن الحب باعوا
بأتنين كيلو من البرقوق
أو مفتاح عربيه جديد
أو أسبوع فى الشرم يازوق
وارمى أبوه كان ندل هفيه
إيه راح تخدى من أشكاله
غير الفقر من اللى جابوه
وهمو ونكدو وخفه جيبه
قوللى ياشيخه آلاهى لا يجيبه
إيه بيفيد الحب ف جيبك
لو فكرتى تعمللى تمشيه
وقلتى نغير طب إيه يجيبه
كيس م الفول واتنين طعميه
ارمي يابت وقوللى نصيبك
يخفى بفقره جاته رزية
سعيد عباس الضو
ليست هناك تعليقات:
إرسال تعليق