كان زمان ..! بقلم / #ابواويس_محمدعبدالرحيم

فاكرين زمان لما كنا نقعد فى المجالس
كان الكلام ليه اهل وناس
كان قبل ما يتقال يتوزن بميزان حساس
والكل ينصت وكان الطير على الراْس
والرد يبقى ليه اصول وقواعد والاحترام اساس
لكن اليوم لا فيه احترام ولا كبير عليه يتقاس
وكل واحد كبير نفسه وهو فى الكلام ترباس
ماشى بدماغه وواخد تعليماته من الخناس
وهو لا بيعرف يقضى مصلحه ودايما محتاس
واخرته دايما تحت الرجول منداس
اصلى هى مش فرد دراعات ولا مجرد لباس
ولا عشان حفظتلك كلمتين حتبقى ابو نواس
ارجع بالزمن ورا واتعلم الاصول وبلاش لا مساس
والكبر والعجرفه ديه حتخليك شبه النسناس
تتنطط لوحدك وكله يضحك عليك وتبقى نبراس
نبراس للتريقه والمسخرة وتتحط تحت الحيط وتنباس
#ابواويس_محمدعبدالرحيم