....مركب موت............شاعر البرلس./جمال البطاط

..........مركب موت.............
مركب غرق
قلبي إتحرق
صرخ الضمير
صوتي إتسرق
أنا كنت فاكر من زمان
إن للإنقاذ فرق
وإن فيه حرس حدود
وإن للإنسان وجود
وإن للباطل حدود
وإن اللي راح ممكن يعود
وإننا من غير قيود
ولسه فينا الحب حي
اترينا أموات من زمان
وبس أحياء ع الورق
ااااه يا بلد
غرق الولد
مات الولد
معصوب عنيه
متغمي مش شايف طريقه
ودنيته بتلف بيه
كان ذنبه إيه
لو إن ذنبه انه اتولد وسط الوحوش
طب مين يحوش ؟!
عالم غبي حكماه جحوش
وف ساعه الموت والغرق
بانت لنا كل الوشوش
يااا رب حوش عنا البلاء يااا رب حوووش
شاعر البرلس./جمال البطاط

أعجبني

تعليق

مشاركة