**اسفه** ... بقلمي رانيا محمود

رانيا محمود

‏

**اسفه**
بعد السنين اللي انقضت
من عمري وياك في العذاب
ومشاعري بعد ماصدقت
اوهام غرامك الكداب
حياتي حاولت اشتريهالك
وانت بغدرك بتبيعها
والفرحة كنت ارسمهالك
وبكل قسوة تضيعها
قتلت الشوق جوه عينيا
ودفنت احساسي في قلبي
ولعبت باللي كان فيا
وعرفت تمحي وجود حبي
كرهت الدنيا في وجودك
كرهت اسمي في يوم تناديه
وجاي تسألني عن حبي
ده مات بقسوة ظلمك ليه
كفاية عذاب وماتكملش
هاحط لآخرته نهاية
حياتي معاك ماتستحملش
وهاحكي حكايتي ف رواية
هاودع قلبك الكداب
وهاخرج من عش الدياب
هاعيش العمر من تاني
واكون لقلبي تاني اصحاب
هاكون اقوي من اﻻول
وهاتأسف لأوجاعي
وعن حبك راح اتحول
واحسن كل اوضاعي
واقول اسفه لحب انباع
اسفه باقولها م الاوجاع
اسفه باقولك خﻻص ووداع
اسفه علي عمري اللي ضاع
بقلمي رانيا محمود