لخبطه و حاصله
الخلطه اهي باظت
الكل ماشي بيتنطط
بيتعفرت بيتلخبط
وحبال الدنيا .... كتير ياما
فتحوا السيرك ... الخلق اتلموا
عربية مولود تزور بلدان
وكان ياما كان
والدنيا زحمه ... مفيش رحمه
مين فاهم منعرفشِ
الكل متلخبط الوان
معالم غابت منفهمشِ
طب مين انسان متحكمشِ
الظاهر غياب هوسان
وسر الخلطه ده انسان
السيرك شغال تعالو ياولاد
قرد بيتنطط ع الشجره
واسود تنهش لحم غزلان
في الزحمه كتير هتلاقي غربان
والسيرك كبير .. ونمره كتير
بتشوف ..الحاوي والتعابين
وساحر وبلياتشو.
اتفرج علي كل الألوان
سرالخلطه اكيد إنسان
يازمان .... بداري علي الإنسان
وعجبي
بقلم... شيرين ابوعميرة
ليست هناك تعليقات:
إرسال تعليق