مربعات السفره
========== عونى هشام
ياسلام على طبق النابت
ابو قوطه وجنبه الطرشى
ملازمها وعمر ما غابت
عن زهنى ولا بتروحشى
مسمار فى البطن وثابت
تاكل. طبقين. ماتخافشى
ان راحت الاكله وسابت
حقك عندى ماتزعلشى
اليوم. . انا. كلت. كوارع
مع فته. بخل وتوم
نزلت كأنى بصارع
وف الشوربه فضلت اعوم
بحلم. لو فى برام باميه
وجنبه. مشنة عيش
تلاقينى. اوام وف ثانيه
خلصته. وقلت مفيش
انا كييف. اكل بصاره
مع عيش. بلدى ومنفوش
والسلطة. تكون. جباره
ساعتها ماحد يحوش
الله على. طبق الكِرشه
ومعاه. صابعين ممبار
هاتروح من. عندى الكَرشه
والصحه. هاتصبح. نار
نفسى صنية مكرونه
باللحمه ويا بانيه
هاتمنع. اى كرونا
والناس هاتقولى يابيه
ملوخية. ويا. ارانب
ع السفره هتبقى تمام
اخدها. لوحدى بجانب
ورح امنع اى كلام
فى الاخر طبقين فاكهه
والحلو هيبقى جاتوه
نحبس بالشاى ابونكهه
او بن ياخلق ياهوه
=============
ليست هناك تعليقات:
إرسال تعليق