( يرضيك ياليل )
يرضيك ياليل ...عمايله فيا
حبيبي كتير ...تقلآن عليا
ياريت ياليل... توصفله حالي
وتقوله عذابي.. واللي جرالي
إزاي يسهرني .. وينام اليل
وأعاني في حبه...كل الويل
وأغيير ياليل....عليه والقاه
يزيد في عذابي..واعاني جفاه
ويفضل قلبي ..مكوي بناري
وأبكي الليل ...أنا علي حالي
ونار أشوآقي.. تزيد في نهاري
لاقادر اقوله...ياليل يرحمني
ولا هو حاسس... إنه شاغلني
وبعده عني.....كتير تاعبني
نفسي ياليل...أنا أفرح بيه
يحس بيا ..وبعمري أفديه
وبروحي وعقلي..نفسي أرضيه
وكل املي....حبي يهنيه
ويرحم قلبي.. م اللي أنا فيه
هو حبيبي ..وفرحة عمري
وياريتني شوفته...أنا من بدري
ومهما الحب ...عذبني معاه
وطال السهد ...مش هنساه
وأعمل ايه..... ياليل وياه
ادوس علي قلبي... اللي هواه
ولاَّ أتحمل .....منه جفاه
واصون كرامتي...وعزة نفسي
ومهما كانت ... لوعة قلبي
هاصبر عليه....لحد رضاه
ولما قلبه.... يحن عليا
ويجيني يمسح... دمع عنيا
أعاتبه وقلبي.. بيوصف حبه
وقلبي باعتله....غرامي يدله
وينسيني..... عذابي ليالي
ويريح بالي ...ولهيبي ناري
ويسهر معايا .....الليل كلُّه
وأحلي كلام ...يقولِّي وأقولّْه
ويعوضني..... بحنان حضنه
طول صبري...وعذاب بُعده
وسهري ليالي....باتمني قربه
وانسي جفاه.....ويا هناه
ويبتدي عمري...معاه من تاني
وتتحقق ليا .....كل امالي
واعيش حلم ....زمان وياه
خواطر...(أشرف الدغيدي)
حقوق الملكية محفوظه
ليست هناك تعليقات:
إرسال تعليق