فعلا ياأمى مافيش زيك
فى يوم قالولى انى شبهك
لكن أنا قلت مافيش منك
ياما اتحملتى عشان كتير
ولاكنتى تكل ولاتملى
وكان الصغير و الكبير
تعطفى عليهم وتحنى
وياما قلبك الكبير
يحس بينا يوماتى
ولا تغمض ليكى عين
والكل يقول ياماما هاتى
كانت طلباتنا كتير
ولا عمرها كانت تخلص
كنتى تلبى بلاتفكير
ولا حاجه عمرها تنقص
كنا ننام وتسهرى
فى همومنا دايما تفكرى
ولا تزهقى ولاتتعبى
وتقولى انتوا مطلبى
عمرك مابعدتى عننا
دايما معانا تقربى
وتقولى انتم نور عنيه
وانتو العمر الابى
عمرى مااكون ابدا زيك
ياامى انتى مافيش منك
مهما عملت مع اولادى
دايما فاكرين كل كلامك
ويقولوا تيته وحشتنا
دى كانت هى احن منك
كلامهم ليه فرحنى
وعمره ابدا ماجرحنى
لانى نفسى اكون زيك
فى حنانك وطيبة قلبك
راوية حسن
ليست هناك تعليقات:
إرسال تعليق