لون الأنين والهم
وفراق معندوش دم
دورت ف اللوغاريتم
واحترت ف المعنى
كل القصص اوجاع
كل القصص لعنة
ملقيتش قصة حب
مكتملة الأركان
الكل ساعة الجد
قام حضر الأكفان
الكل كان قُرصان
واللي كتب بعشقك
واللي كتب بعبدك
وبغير عليك واموت
كله كلام مغلوط
وما اسهل الكلمات
وقت الكتابة حياة
وقت الحقيقة ممات
والحب عمره مامات
الحب لو بيموت
يبقى الوداع مظبوط
داللي حلف ماوفاش
واللي اخد مااداش
كله طلع بياع
طرْح الهوى اوجاع
وانا اللي زيي مجاش
ف الحب مش بكاش
ولا عمري كنت وضيع
ولا عمري مرة غدرت
انا قلبي زي رضيع
محتاج شوية وقت
محتاج لحد وديع
يشيل معاه ويحط
محتاج يحس امان
مع حضن بيضمه
يشبه كده أمه
واحد يكون انسان
#سميرمحمود
ليست هناك تعليقات:
إرسال تعليق