إنذار ..
بقلمي هلال البنا
،،،،،....،،،،،....،،،،،
كارت اصفر
يعني لسه إنذار
وقد أعذر من أنذر
يعني بلاش استهتار
لما نسكت ونستهتر
وشتم نبينا يتكرر
ب إيد رسام وشيخ منصر
عامل رسومات وبيصور
في سيد الخلق ويزو ور
ولو نسكت على المنكر
هايتمسخر. ويتفشخر
ويبقى الكارت كارت احمر
من الكفار ومش إنذار
سؤال لينا كبار وصغار
مافيش فينا واحد بيغار
ولا وحده من الأمه
تكون غايره على المختار
ونعلنها في كل أسره
وفي الإعلام وفي النشره
قطيعه ظاهره ومباشره
ولا تدخل هنا. سلعه
بصنع فرنسا. ولا قشره
وهاسألكم سؤال تاني
نسكت ليه ونرضى القهر
و نتهاون. مع. المنكر
تعالوا مع سوا نفكر
ونرجع تاني. نتذكر
أبو بكر والفاروق عمر
وعلي وعثمان وخالد
كان يجرؤ ماكرون يعاند
ومع الرسام كان ساند
يا أمه ليه بنتأخر
وللمصطفى مين ينصر
من قبل الحكم ما يصفر
ويرفع لينا كارت احمر
من قبل ما نقلب الصفحه
وننسى قصة الأقصى
هاقولهالكم وانا فاكر
وفيها أصل انا مذاكر
في إيد مجرم جبان كافر
واخدها وجاب من الآخر
سفارته نقلها واتفاخر
ويتكبر. ويتمنظر
على العالم ويتصور
ودلوقتي كده إنذار
بكارت أصفر فين الأحرار
ونستهتر كده. استهتار
هايطردنا بكارت احمر
وقد أعذر كده وأنذر
،،،،، ،،،، ،،،، ،،،، ،،،،
إنذار
بقلمي هلال البنا
ليست هناك تعليقات:
إرسال تعليق