(((آخرعشرةجنيه)))😢
دي آخر عشرة من إيده
وكانت بصمته عليها
تقل سنيني ويزيدوا
وكان لازم أخليها
وبيدور الزمن بيا
وزادت غربته عليا
ولو كانت كمان مية
ماهَتصَرَف ياناس فيها
هتفضل عايشة للذكرى
وذكراها كمان عايشة
وسيرته تَمَلِي عالفكرة
وحبه في قلبي يحييها
ياأغلى مَن دخل قلبي
وكنت أبوية كنت أمي
وأفراحي . تلال همي
لمين غيرك راح احكيها
فلوسك دي سبب سعدي
ووش الخير على العيلة
هتفضل جوة محفظتي
و جوة عنية أداريها
دي آخر عشرة من إيدك
وعطرك لسة ماليها
عزيزة عليا من ريحتك
ياابوية بلمستك فيها
والدي وحبيبي
يرحمك الله ويجعلك من سكان جنة الفردوس ياحبيبي يارب
18/11/2020
أ.مشيرة النقيب.
ليست هناك تعليقات:
إرسال تعليق