اسوار الحق عاليه وانا عمر قلبي ماكان جبان
مهما تاخدني الدنيا هارجع قلبي مليان حنان
هاشكيك يابلدي وهاعلي مع علو القضبان
لحد متيجي ايدي في ايد اخويا نرجع زي زمان
نضحك ضحكه صافيه نوزع منها عالجيران
نكون نور ينور طريقنا ونهدي به الحيران
اللي الحزن عشش في قلبه يومياتي يبات زعلان
حاسس بحقه مهدور ولا حد فيكي ينصف الغلبان
اللي يداس بالرجلين ماهو اصله ياخساره مش م الاعيان
اصحي يابلدي شوفي ولادك ضميهم عوضيهم الحرمان
طول عمرك ابيه ولا كان عمر فيكي يابلدي احزان
ازاي هان عليكي دم جنه ومحمد ومحمود البنا كمان
وكتير كتير دمهم بقا رخيص بارخص الاتمان
ياعيني عليكي جوايا شخص بيبكي من الكتمان
بيصرخ بعلو الصوت ياتري ايه مستخبي كمان
ضيعنا يابلدي ولا عودنا فيكي حاسين بالامان
قتلتي فينا ادميتنا ودمرتي فينا الانسان
الكل بيجور علي بعضه ونسي العدل والاحسان
شفاعه في يوم ميلادك يارسولنا تعدل لنا الميزان
كفة الحق مالت واللي رجحت كفة الظلم والبهتان
القلب منك يارسولنا والله من الكثوف خجلان
علي اللي احنا فيه مش محتاج توضيح ولا اعلان
عليك صلاه وسلام من ربك الحق القوي الرحمن
صرخة الم
بقلمي ساميه ابراهيم
ليست هناك تعليقات:
إرسال تعليق