تمت مشاركة منشور من قبل Mhjoub Jazal.
////////+++شرقت شمس الحرية+++////////
اسمعها العالم امدوية
ارفع يامستعمر ايديك
قالها ف طنجة ياك سلمية
مغرب ابلادي ماشي ليك
كانت الخطبة بالعلالي
شعبي قال كلمتو من البارح
مغرب ماشي ديالك ديالي
اعيينا منك يالجارح
اخرج اجلوسك قلقني
مغرب ديالنا ارحل كفاية
يكفي مابغيتك تنهبني
دير لحكمك نقطة نهاية
ملي نفيتي رمز الامة
وبلى رحمة راك نسيتي
درتي لشعب حسرة وغمة
ماحشمتي لا ماراعيتي
قلنا لك ارحل من لمكان
يكفي كلمتي القلب وباح
راه مابقى لك عدناامان
وشحال قتلتي من ارواح
يرجع السلطان يرجع المنصور
نفديه بلي عزيز عدنا
مابقى ليك مكان فين دور
به نتنفس وبه نتهنا
قامت الثورة وكانت صديقة
زرقطوني علال وكل شهيد
كتبو بدمهم ديك لحقيقة
وعلى لعلام فرحة بالعيد
عاد الخامس لينا منصور
وطوينا صفحة لستعمار
ياك رحل المستعمر مقهور
شرقت شمس الحرية بجهار
////////+++بقلم صقر الحروف الزجال بوسبولة المحجوب+++////////
كتبت يوم عيد الاستقلال 18/11/2020 بالعالية المحمدية
ليست هناك تعليقات:
إرسال تعليق