العتاب ميكونش غير ويا الحبايب
وإحنا دلوقتي خلاص
حبنا ملهوش أساس
أصبح سراب
مش هعاتب
خلاص مينفعش العتاب
******
سيتني وحدي ورحت لواحدة غيري
ليه تغيب عني ويتحدد مصيري
ليه أعيش وحدي لحبك ياحبيبي
روح وحيدة وقلب دايب
مش هعاتب
العتاب ما يكونش غير ويا الحبايب
وإحنا أشواقنا خلاص ماتت
مش هينفع يوم عتاب
******
قلبك اللي كان شريني
باعني ليه
شوف ليالي البعد عملت فيا إيه
روح وحيدة وقلب دايب
م الفراق من مرارة الاشتياق
مش هعاتب انتهى وقت العتاب
*******
مش هقولك ليه بعدنا
ليه ليالي الوحدة سرقت فرح عيدنا
ليه نجوم الليل وحشها حنين ميعادنا
مش هعاتب
***
انت كنت معايا ضلي
نبض قلبي وحتةمني
وفي بعادك ايه فاضلي
غير عذاب
مش هعاتب
انتهى وقت العتاب
بقلم
أ. مشيرة النقيب المحامية
ليست هناك تعليقات:
إرسال تعليق