يبقى ايه ..؟ بقلم .. الشاعر .. سمير محمود

إللي يرضى فى يوم عذابك
وإللى وقت الشدة سابك
واللي جرح وإللي عابك
يبقى ايه؟!
.............
إللي عاث في الأرض فيكِ
وإللي بكى فى يوم عينيكِ
وإللى بايعك مش شاريكِ
يبقى ايه؟!
.............
إللي سرق الفرح منك
وإللي زرع الشوك فى حضنك
.وإللي رغم الحب خاينك
يبقى ايه؟!
............
إللي عشقك مش فى دمه
وإللي همك مايهمه
وإللي حلمك مات في حلمه
يبقى ايه؟!
............
إللي عايش مش عشانك
وإللي باعك واللى خانك
وإللي فاكر إنه صانك
يبقى ايه؟!
..............
إللي عتم نور صباحك
وإللي زاد بإيديه جراحك
وإللى خدعك وإستباحك
يبقى ايه؟!
#سميرمحمود

٦