كان لى حبيب ...! الشاعر .. سمير محمود

أنا لما بحب بحب بجد
وبكون من أخلص ناس ع الارض
أنا رائع حتى ف أحزاني
الصدق صديقي وعنواني
مؤمن بضميري الإنساني
ولاعمري زرعت الشوك في الورد
..................
وحبايبي تملي يفارقوني
غاويين بجراحهم يهدوني
وفي عز الفرح يبكوني
وتملي مابيني وبينهم صد
...................
موعود بالناس الكدابة
ملعونة قلوبهم قلابة
ولانافع طيبة ولاطيابة
مهما أبني معاهم شيء يتهد
...................
وأنا شاعر بملك إحساسي
ف الشدة بطبطب وأواسي
ومليش غير قلمي وكراسي
وحروفي مسالمة لأبعد حد
.................
كان ليا حبيب سابني وفاتني
ألمي ف بعاده مموتني
ومفيش ولا حاجة بتبسطني
أنا قلب وعايش من غير نبض!
#سميرمحمود

٥