بقلم .. هلال البنا بعنوان .. فكر وإيس

هلال البنا
فكر وإيس
؛؛؛ ؛؛؛ ؛؛؛ ؛؛؛
إيس مكانك
وانت عايش
مش هيزيد
عن نص متر
في نص متر
إيس زمانك
يعني عمرك
هو عمر
زي أيي عمر
ومهما طال
راح يمر
والجنسيه والديانه
في البطاقه
بالكتير
في نص سطر
بص شوف
تاريخ ميلادك
عام كذا
ويوم وشهر
والعنوان
محل اقامه
سكنك وبيتك
أو العماره
لو في شارع
أو في حاره
مدينه محافظه
والمكان والمقر
بيت غلابه
أو في قصر
في أيي دوله
زي مصر
إيس مجالك
بالترمومتر
درجات الحراره
الغلابه
بيحسه بمراره
بتمر السحابه
فوق رصيف
ضبابه ومطره
بتبل الرغيف
ونار بتحرق
الضعيف
زي طفية سيجاره
والمحامي بالأماره
طويل قصير
بيقولوا متر
والأستاذ و الطبيب
يادكتر
والمدرس والمعلم
مستر
إيس وفكر
الشاطر
في منه أشطر
والمكير
في منه أمكر
والصبور
في منه أصبر
والغدار
طب ليه بيغدر
واللي خان
مش مقدر
إنه أحقر
إيس مكانك
مش هيزيد
عن نص متر
في نص متر
وبرضو عمرك
راح يمر
وهو عمر
زي أيي عمر
وانت آخرك
هو قبر
مترين في متر
؛؛؛ ؛؛؛ ؛؛؛ ؛؛؛ ؛؛؛
إيس وفكر
هلال البنا

٣