قسمتك يا غريب ---------- للشاعر الكبير أ . سليمان خطاب

قسمتك يا غريب
--------------------------
تحت باط الجرح
دموع بتجري
فوق حيطان الليل
تسكن شفايف البدر
تخطف الضحكه اللى باقيه
فـ صدر عليل
بتستنى غناوي الفجر
وصوت من فوق شواشي الآه
بيوقع النجمات
بيسرق خزاين الصبر
ويغمي خطاوي العمر
يا طعم المر
أنا كاسي م الآسى بيئن

لا قادر حِيلى ع الخطوه

ولا شايف إيدين بتحن

أنا خايف أفتّح عينى
ألاقينى شوية خوف
ألاقى حروفى بردانه
فـ عز الصيف

يا أرض العشق ليه طارحه

فـ قلبي خريف

وأنا العاشق وكان حلمى

فـ ضل حبيب

رجعلي الحلم يتوجع

بصوت مهدود بيتقطع

ونادانى

قسمتك يا غريب

أعجبني

تعليقمشاركة

التعليقات

اكتب تعليقًا...