غريب الظن يا انسان .. بقلم .. خالد المنصوري

غريب الظن يا انسان
غريب الظن وفيك الضعف متأصل
تعيش الحياة خايف تهرب منها وتتنصل

فيك العبر أمثال تعلى عليها وتتكــبر
ناسي الديون بميعاد وبكره فيها تتحصل
غريب الظن يا انسان
تايه بلا عنوان تتخبط فيك ولا تسأل
تغدر بك الأيام تفرح ليك وتزهزهلك
شموس كما الألوان دايما تنورلك
تزعل فتقلب زعاببها تروق تفضل تحايلها
وتتبدل شموع أحزان
غريب الظن يا إنسان
تعيش الحياة أيام تجري ورا أوهام
ما بين أمل كداب وسكه فيها عذاب
وامنيات تخلدها تغيب الليل تقلبها
فتدوب مع الأحلام
غريب الظن يا انسان
خالد المنصوري

١