خللي بالك .... بقلم .. هلال البنا

خلي بالك هلال البنا
؟!؟!؟!؟!؟!؟!؟
في اللي باقي من حياتك
ألف واحد كانوا قبلك زي حلاتك
خلي بالك
إيه بيطلع من كلامك صون لسانك
الزمان ده غير زمانك
خللي بالك
وبالخصوصي من جيرانك كون في حالك
مد رجلك وامشي دايما جنب حيطه
وخللي بالك
من قرايبك ومن نسايبك
........... هاتلاقيهم جنب منك
بس وقت الزنقه
...... راح يتبروا منك
ووعى تمشي وسط شارع..... تبقى خايب
خبي إيدك خلف منك.... م المصايب
خللي بالك
ولو معاك قرشين........ في جيبك
والبطاقه ينهبوها وانت مالك
خللي بالك
والمبايل حتي ...... لو قديم وهالك
قول كذالك جوا بقك......... صون لسانك
خللي بالك
وانسى يكون عندك مطالب
وامشي دغري.... تبقى سالك
خللي بالك
إياك تبرطم لو بتفهم
......... وامشي هايف أو مبلم
خللي بالك
مش تخالف حتى لو فاهم وعارف
.......؟ كل حاجه بس خايف
خللي بالك
و الناس بتهتف قول معاهم
...........؟ زيهم زي مانت فاهم
خللي بالك
وأوعى تقول إن أنت شايف
........ وتبقى ضيف مالوش معارف
خللي بالك
ولو نويت ترجع لبيتك
...... بص يمينك مع شمالك
مين وراك أو مين أمامك
.......... بص فوق وتحت رجلك
خللي بالك
ومش تكتر من كلامك
.......... وليه تفضفض مع عيالك
خللي صمتك جوا بيتك
يبقى هيبه
كتر الكلام والكدب خيبه
.......... إحفظ عيالك تحت طوعك
وخبي سرك بين ضلوعك
.......... وانسى الشبع خليك بجوعك
والرجوع في يوم طلوعك
......... ها تمد إيدك يقطعوها
وماتشورشي لا يشفوها
خللي بالك
الدنيا ماشيه في المخالف
........ وانت ليه عالكدب حالف
و اللي شاف ميل وخاف
.......... حتي القرايب والمعارف
والجيران مش راح تجازف
خللي بالك
؟ !؟ !؟ !؟ !؟ !؟
خللي بالك هلال البنا

٤