راعي ربنا ف الســـــــــــــــــــــــت ----- بقلم .. عاطق صلاح

راعي ربنا ف الســـــــــــــــــــــــت
---------------
يامبهدل بنات الناس
راعي ربنا ياخسيس
زي الشيطان خناس
قلبك بدون أحاسيس
الأنثي إيه غير قلب
وشويه م الأحاسيس
تقدر تنول القلب
تغرق ف بير أحاسيس
الست ورده ف بيتها
ماليه عليك الدار
تنكر عطا ربنا
حاسب ربنا جبار
قطفت زهرة شبابها
م هى كات ورده
كانت ف بيتها مضلله
بجناحها عليك فارده
لما شربت العسل
سبت الإناءفاضي
عايز تمللي عسل
بلا نفخه ع الفاضي
رغم ن كلك كسل
عامل لها قاضي
الراجل الحر
يصون الحرمه ويحميها
والراجل الهلس
يهين الحرمه ويرميها
ربك جعل بينكم موده مع رأفه
العِشره بالمعروف
واللين مع الرحمه
الست لو تعبت
وهى معاك ف البيت
مد إيدك ساعدها
لو حتي شغل البيت
إوعي تكون مفتري
تعمل لها جلاد
ربك علي المفتري
ياخد حقها ف ميعاد
#عاطف صلاح#