كل حاجه بالفلوس .. بقلم .. إيهاب السقا

كل حاجه بالفلوس
معاك فلوس
يا واد تدوس
مش مهم إنت مين،،،،
طب إبن مين،،،،
المهم تعرف تِرَبّط
أى كلب يا دوب تِظَبَّط
بالفلوس،،،تعمل طابور
والناس هتمشى وراك سطور
م إنت عم الكل يابا
وشارى حبه م الديابه
تِغَيّر شكلك.وكمان تهندم
والجميع يقولك يا فندم
وكله بأوامر سيادتك
والتمام أمام سعادتك
بالفلوس،،،،،تملا الشوارع
والماضى يصبح مضارع
والقُصَيَّر يبقى فارع،،
إللى يغلط فيك يا ويله
ولّا فَكّر يِلعَب بِديلُه
يِشرَب سمومك ويبقى كارع
ف المجارى يكون مَصيرُه
وان كنت مره مش عفيف
التاريخ يا دوب نِشيِلُه
ف لحظه وثانيه تكون نضيف
وتبقى أشرف م الشَريف
وأما تقول،،،،،،،الكل يسمع
كل كلامك دايماً مِسَمّع
كلام كبير وكله شيك
على الجنه وراك هنوديك
وإللى مش عاجبه كلامك
يِطلَع صُبْحُه،،،،يِطْلَع ديك
،،،،،،،إيهاب السقا،،،،،،،