خلاص بعدنا .. بقلم ..الشاعرة .. أ . مشيرة النقيب

أ. مشيرة النقيب

خلاص بعدنا
وكل واحد ساب حبيبه
وراح بعيد
زادت الضلمة ودوبنا
والنهار بقى زي ليلنا
مفيش جديد
قتلت الفرقة قلوبنا
والغرام من حزننا
أصبح شريد
فين طيورايام ودادنا
اللي غنت للهوى
أجمل نشيد
كانوا بيغنوا عشاننا
كنا تغريدة زماننا
كانت نجوم الليل
بتسهر بانتظارنا
والقمر واقف
بيشهد عللى بينا
لسه القمر والليل
مازالو همة همة
وحدنا اللي بقينا غيرنا
القدر حدد مصيرنا
ومهما تنسى مش راح
انسى
ومهما تقسى مش راح اقسى
وحبك بالفؤاد لسة
بيكوي قلبي من شوقه
ومهما اشوف كتير أحباب
ماشوفتش حب زاد فوقه

بقلم .. أ . مشيرة النقيب