بلياتشو ... لكن انسان .. بقلم .. راوية حسن

Rawya Hassan

‏

بلياتشو لكن انسان
جوايا مشاعر واحزان
ولازم اسعد كل الناس
وعمرى ماكنت ندمان
بوزع ع الناس الضحكه
وانا من جوايا حزين
بالجمله وكمان فكه
ولا ابين دمع ولا أنين
بلياتشو وبلون وشى
والكل شايفنى بالوان
بفرح الناس وبمشى
والقلب مليان احزان
بوزع ع الناس الفرحه
والقلب بالحزن مليان
ما انا لازم ادارى احزانى
ولا حدش حاسس بكيانى
شايل م الحزن جبال
ولايوم ابين احزانى
بلياتشو وعلى وشى الفرحه
وبدارى حزنى وهمومى
مهما كبرت وكانت جارحه
وماحدش صاحبى طول يومى
وبسعد انا كل الناس
ومين انا يشيل عنى همومى
قالوا البلياتشو ده راجل كداب
تعا اسمعوا نتشو من غير اسباب
ونسيوا انه كمان انسان
ودايما على ايامه هان
فرحان زعلان ابدا مايبان
ولا عمره اهتم بيه انسان
غير انه مهرج ويضحك وتبان
ضحكاته لكل الناس احيان
ومهما كان مهموم حزنان
بيدارى دمعه ده مهما يبان
ولا حد يشوفه انه زعلان
ماهو فى الاخر هو انسان
وعنده مشاعر وعنده حنان
ماهو اصل الناس عمرها ماتشوف
ولايهمها غير حالها كمان
ياريت نحس ان البلياتشو
فى الاخر انه كمان انسان

انا اصلى كمان بدارى سعات
جوايا فى نفسى شعور بالذات
حعمل بلياتشو وادارى شعورى
عن ناس حبيتهم لكن جرحونى
خلونى ادارى واخبى سعات
احساس جوايا افتكرته مات
من اللى شوفته انا وياهم
راح اعيش بلياتشو انا وياهم
وادارى واخبي جوايا ووراهم
مش عايزه يشوفوا جوايا حجات
راح ارسم ضحكه تكون الوان
الحزن اللى جوايا يبان
راح ادارى حزنى واخلى الضحكه
ليها ببان
راح اقفل باب احزانى كمان
وارسم الفرح فى كل مكان
واوزع ضحكتى فى كل الاركان
واقول ده زمانى احلى زمان
انا حعمل حفله وانا الفنان
وارسم كزا فرحه بالالوان
واخلى الكل يكون فرحان
انا البلياتشو تعالى وقرب
وشوف كده فنى ماهو انا فنان
فى رسم الضحكه واهرب م الاحزان
فى حد شاف كده زيي فنان
ولايعرف يعمل كل الالوان
~~~~~~~~~~~~~~~~
راوية حسن