ولاااااد اللذينة ◇■◇■◇■◇■◇■◇■◇■◇
بضاعتك رديئة ........ مجرد كلام
تقوم حريقة ........ وترمي السلام
تهيج قلوب .......... وتحمل ذنوب
ورغم العيوب .. تهيص ف الزحام
تخبط في دولا ...... ودولا ودول
تلخبط مع اللي مايعرف أصول
ع اللي اتخابث ... ووقع له عانس
عشان مش حاسس صبح دلدول
واللي مقضي حياته .. مرابي .!!!
ووسط الحريم عايش متصابي
بيصبغ لي شعره ويكتب ف شعره
وأخرتها سعره ... يجامل يحابي
وتعمل مثقف ...... وجهبز همام
وتكتب مقالة ...... ترص ف كلام
تقفل بيبان .... وتجلب شيطان
عشان أولعبان .... وخلفة حرام
تعك ف كلامك ... وعقلك خفيف
تقلل مقامك ... بقول مش ظريف
ومن غير سبب .... بتضرب ذُنب
وحزب الكنب ........ وراك هاتيف
للشر ترمح .......... بقوة وطلاقة
لسان فرقلة ......... مجددله طاقة
ف دولا تآيير ........ ودولا تحيير
ياريتك تغيير .. نوعك ف البطاقة
تزقطط وتفرح ..... ف جو المعارك
تلفلف وتسرح ...... مع اللي اتعارك
وقول مش تمام ..ف عرض المدام
وخاص ولا عام .... تشعلل به نارك
ياعالم تهرتل ...... وقولها ب غباوة
بتطلع وتنزل ........ بخسة ودناوة
تنظر تعايب ...... ورافعالنا حاجب
ياخلفة زرايب .... وسايقة الحلاوة
ووسط النداوي .... بقى الكل نايم
بيسمع غناوي ..... وقول كله عايم
وفظة غليظة ....... ماتسوى بريزة
بتعمل عزيزة ....... مابين البهايم
وتندب تنوح ........ وتعمل حزينة
منين ما تروح ... بصوتها السارينة
ف ديلها الحمار .... يثيروا الحوار
تقول ثوار ............. ولاد اللذينة
ليست هناك تعليقات:
إرسال تعليق