. قهوة ..
...............
ع القهوة
فيه هناك كتير
حكاوي
اللي فايق واللي رايق
واللي للضحك
غاوي
واللي غاطس جوه
همه ... واللي عنده
كتير بلاوي
واللي جاي يشربها
سادة
واللي من كُتر الهموم
عايش الدنيا
ببلادة
واللي عايش الدنيا لحظة
وضاربها
ب١٠٠ بيادة
ع القهوة كل شيء هوه
ونقيضه
يعني هتلاقي
الأجير
وجنبه برضوا تلاقي سيده
وناس كتير
بيفيدوا ناس ... وناس
كتير
بيستفيدوا
وناس خَرَابة بيوت
وناس
عايشها سكوت
وناس كتير كل يوم
بتستنى موت
وناس
إيديها في كل
حاجة
زي شبكة .... عنكبوت
وناس
سماسرة بشر ... وناس
سماسرة بيوت
كل شيء هنا ...متاح
والله
ومن غير شروط
وفيه
كمان هناك تسالي
شيشة
حَاميه وبُن غالي
وطاولة
رايقة ودومينو عالي
وفيه
كمان
ألعاب كتيرة بس
مش
حاضرة في ... بالي
والدنيا
زي القهوة فيها حاجات
فوق إحتمالي
أهلاً
ومرحب
بيك معانا نورت
القهوة ... ياغالي
....
م. حمدي توفيق
ليست هناك تعليقات:
إرسال تعليق