دوارة الدنيا وقادرة وغادرة
وحلوة كمان 
بتمرجح ف الشقيان جدااا
وتزيد الحمل علي الغلبان
وتقسي قلوب وتنسي صحاب
وتفرق بين احباب احباب
وساعات تضحك لك و تفرفش
وتحبك تاخدك بالاحضان
تسقيك الفرح كاسات رُمان
انما قلابة و عندية وناقصها امان
قوم تعمل ايه
تصاحبها وخليها تحبك واديها حنان
او دوس علي رقبتها اكسرها
حسسها ان انت اللي ناصرها
ولا همك شئ من اعصارها
ولا ناوي توطي وتبقي جبان
صدقني ساعتها هتخضع لك
وتعيش سلطان
ليست هناك تعليقات:
إرسال تعليق