دنيا الزيف ◇□◇□◇□◇□◇□◇□◇
قعدت يومين فــ دنيا الزيف
لمحت الناس هناك تخاطيف
قليل اللي تلاقيه انسان ..!!!
ودا بيبقى مهوش ع الكيف
اما اللي عايشها ........ شمال
فــ افتح قوس وعد ياخال
هتلقى اللي ...... معاه المال
دا له سطوة ، ويبقى شريف
ومهما يكون .. عاصي فلاتي
حريم ورجال ..... له بتاطي
ويعملوا قيمة للواطي ..!!!!!
لجل ينولوا منه ...... رغيف
وناس مبدورة في الساحة
ماليهم ........ طلة بصراحة
تلاقي النطع ....... بوقاحة
عامل فيها . أبو العريف ..!!!
وناس عاملة .... من الأسياد
بتبني كيانها ..... ع الانقاض
وينهشوا بعض فــ الأعراض
وسيرة الخلق ..... والتزييف
وكل خسيس ...... وله شلة
بنفس صفاته ........ والعلة
وكله بيغلي ....... فــ الحلة
ولئيمهم ....... بيبقى الشيف
وناس من ........ اول الطلعة
تقولش شكوكو أو سُمعة .!!!
وفيهم سييء ....... السُمعة
يقولوا جدع .... وواد حريف
سوق وبضاعته .... كلها غش
وعالم زي ......... دود المش
تلقى البنت فيه .. بتقش ..!!!
ودور الواد .. يادوب هتييف
ليست هناك تعليقات:
إرسال تعليق