من الديوان الثاني / ساعة فراق فاطمه
القصيده بعنوان / ساعة جواز فاطمه
للشاعر / مصطفي يونس
الفرقه هيه اللي كسبت
ولبست توبها دا البالي
والقلب وجعه حبها المفقود
ياما كان ف نفسي
تفضل هنا جنبي
ولا حد يخلق يوم مابينا حدود
عشم إبليس
ف اخر دنيته الجنه
عشم خايب وطبعا
مطلبه مرفوض
دا لسه يدوب ماوصلتشي
طب ماكنت زعلان قوي ولسه متعصب
ولسه من ساعه واحده وكنت هتفركش
وجعك فراقها قوي
فاسكت واستحملت
نظرة عينيها تقولك
يابابا وغلاوتك يعلمها بقي ربي
نفسي بقي اتجوز
خلاص موافق يابنتي
نظرة عينيا ف عينيها
وهيه حاساها
وبرده انا حاسسها
ماعرفتش أبكي ياربي
ولاافرح لفرحتها
وقال نزلت دموع عيني ماعرفتش امسكها
أيوه
دي نزلت ونزلت ونزلت
ماعرفتش امسكها
وخلاص رجعت البيت
وتبص ف صورتها
لحقت تشتاق ريحتها ووشها الطيب
والله إنسانه ودمعها قريب
والفرقه هيه اللي كسبت
ولبست توبها دا الأسود
والقلب وجعه حبها المفقود
أوعي تبان الدمعه ف عيونك
وصوت عياطك علي
خليه بيني وبينك
واصبر كدا اتحلي
يمكن تنول الفرج وتشيل بقي عيالها
واهي برده فرحانه
وياطول عذابي أنا
وياطول عذابي قوي ودا بس أنا لوحدي
وخلاص
خليها ف القايمه
وأكيد ف الصادر
بس إن فرح قلبها
ترحل بقي تغادر
وخليها ف القايمه وانت
إنت اللي هتراحل
وسيب حبها المدفون جواك
يادرش واتروي
قال حبها الغالي ف قلبك
ارضي بالمقسوم
اوعي تبان دمعتك وتعكر الصفوه
اكتم عياطك
وصوتك العالي
وادبح علي بابك
حبها المجنون
كلمات الشاعر مصطفي يونس
ليست هناك تعليقات:
إرسال تعليق