حكيت للقلب إيه عني
عشان ينسى ؟!
كدبت وقُلت أنا قاسية
مانيش قاسية
أنا مهزوزة من جوا
لكن باظهر لكم راسية
مانيش راسية
انا الوجع اللي متخبّي في تفاصيلك
انا اللي رضيت اعيش العمر ظمأنة
ولا اشرب شهد من نيلك
انا الحلم اللي ساعة الطلق ..خبيته
..خنقنه قبل ما يجيلك
وباسكت ع اللي في ضلوعي
ونبضي يموت ويحكيلك
وليلي وصبحي يتنفس بترتيلك
وغصباً عني بادعي عليك.. وبادعيلك
ليست هناك تعليقات:
إرسال تعليق