فوق الوشوش
فوق الوشوش ترابيس كتيره
على ذكريات راحت من سكات
اقفل ببانك
ضم الحواجب والجفون على اللى فات
خطط جبينك
كل اللى صابك كان مكتوب عليه
كشر او اضحك اكره وحب
هو انت يعنى قلبك كان مغضوب عليه
تراببس سيادتك حلم عاندك
وقت لما انت وحبك
قررتوا فجأه تخلوا بيه
مجنون مشاعر اكتب يا شاعر
كل اللى صابك واللى سابك
واللى انت لعبت بيه
فوق الوشوش كراكيب وجعنا
كراكيب فراقنا
براويز ملامح عامله جامده من زمان
وزيف حقايق وبرود يضايق
شخابيط فرح شخابيط حنان
سد الودان يظهر يبان
ادام عنيك كل اللى مخفى ورا الببان
اصل اللى ظاهر مليان مظاهر
كام حد عافر
علشان يخبى وكله بان
مجنون مشاعر اكتب ياشاعر
كل اللى صابك واللى سابك
واللى عشمت فيه وخان
ترابيس سيادتك تشبه لوجعك
وللى جرحك او جرحته من زمان
ليست هناك تعليقات:
إرسال تعليق