........(عالتوته والساقيه)
""""""""""""""""""""""""""""""""""""""
★... هاتوا الربابا وإِعْزِفُوُا
لبلدنا موال النهار..
★... عالتوته والساقيه،
ياما إِنْحَكَتْ أسرار،
والليل شبابه عَفِي،
لف الحواري ودَارْ...
لف الغيطان، والعِشَشّ،
وكتب كِتابُه نِهَار.!!
★... والفَجر مادَدّ إِدِيه،
والصُبح صَبح عَليه.
ساحِبّ جامُوسَه صِغَار،
ونَافّ وهُدْيَه، إتّوَشْوِشُوُا،
وصبايا كانوا بِيخْتِشُوا،
من بَصَّه فِيّـهَا هِزَارْ...
والعُمْر لِسَه بِأَوِلُه،
لافِفْ لَـفَيّـفُـه زَارّ.!!
★... عالتُوتَه والسَاقِيه،
يَامَا..يَامَا.. ذَاكِرّنَا شُهُوُر.!!
وجامُوُسَه دايره، بِتّـمَلِّيّ،
وِوَرَاهَا، جامُوُسَه تِدُوُر.
والمَيه فايره ،
علي سِـدْرّ القنايَهٰ،، حِكَايَه،
عروسه من فرحها، سِدْرِهَا
رُمَانٍ بَـنَاتَ الحُـوُر..
تِجْـرِى وَرَا بعضَها،عَصّفُور،
يِغَـنِى وَرَا عَصّفُور....
......................
★... وأبويا.واقف جنب،
توته بنوته......... بينادِي..
الهِـمَهٰ…!!!
الهِمَهٰ..نِفْطَر بَدّرِي ياوِلَادِي...
زرع الحبايب سَبَقْ،
فوق الخُطُوُطْ...نَـادَى.
ياعِـزَنـا في أرضنا
يا أرضْ أجدادى..
يحميكوا رب غفور !!
★.... نَـادِي يازَرّعٓ الخير،
دا الفرحه طارحه كتير،
لفا غِيّطَانْ..وغِيّطَان،
دايره في عنينا نهار.
والساقيه... من عشقها.
فهمَهٰ.....غُنَاها البلابل،
والتوته...والأشجار...
"""""""""""""""""""""""""""""""""""""""" ★... عالتوته والساقيه،
سَامِعْ غُنَا..... عَصّفُوُر،
والحاج لابس سِدِيرِى،
خُطُوطُه زمن مَحْفُوُر....
وبهِـيه..بِعْنِـيّـهَا الوَفَـا،
مره تقول يانبى، ومره
تصلى عالمُصْطَفَىٰ ..
خايّفَـهٰ عِنِـيها تِجُـوُر.
والزرع أخضر قدام عنيها
طارح فرح وسرور...
وفي إيدها شاي أبو الوفا،
ورُمُوُشْهَا حُبْ مَلَانْ دَفَا،
صَـبَّا كـبَابِي النُـوُر..
★... طَرّحِتْـهَا فِيهَا التَجَلِى،
وضِحّكِةِ الحَاجَ مِتْـوَلِى،
عـالقُـطْنْ.فَرّحَـه مِنَـوْرَا،
مِتْسَطَرَا.....بِسُطُوُرْ...
★... والفرح داير في الغيطان،
والقطن كان..وكان...وكان.؟!
الزرع طالع...... من الجنان،
تِيـلُه. مِـن رُمُوُشْ الشمس،،
بِيّضَـهٰ، فوق راس الزمان.
. حَطَمُـوُهَا المجرمين،،
خَرَّبُـوا زرع الأمان.
ضيعوا الفَرٍحَه في بلدنا،
مَوْتُـوا ..فينا الغيطان.!!
لما ضاع دَهَبّنا لَبّيَضْ،
قُلْنَا إِيّـهَ فاضل كمان..؟!
. إِيّـه يابلادي عليه الدُوُر؟
★.. مات أبُـويا... بِمَرَارُه مَاتْ،
والقطن عاد مِ الذكريات!؟
زَيّ مُوتَ كُلّ الصُقور...
""""""""""""""""""""""
★... عالساقيه والراميه،
ياما حكاوي كُفُوُر،!؟
يحكيها من بعدنا،
عصفُور..ورا..عصفُور ...
هات البيارق..يارضوان،
يالله..نلف نُدُور.....
كل الشوارع اتزينت،
حتي بنات الحور...
★... والشيخ علي حِصَانُه،
راكب ،
ماشي وراه جمهور..
والناي بيمدح في طه
حبيبي....بَهِيّ النُوُرْ.
ومُوُلِدَ الحاج عطيه،
فرحه،وفيها الاوليه،
وزغرده.....وسرور..
★... وعشان مقام النبى عَالِى،
الليله لية فرح وطُـهُـوُر..
والاسطى هَمَامْ طبيبنا كُلنا،
حلاق صحه نزيه، والأصل
كان....دكتور..
.... والشافى هووا ربنا،
وزفه مالها مثيل.
بيارق ويوم عيد هنا،
والفرحة...طَاقِةَ نُـوُر..
"""""""""""""""""""""""""""""""""_
★... والذكر ويا الفلاحين
. شرف،
والمدح للمداحين
ترف،
لف الشوارع،عَالبِـيّبَانَ
والدُوُر..
...... والنبقَهَ سَابْقَهَ بحُسْنَهَا،
ملفوفه بتيجان النُور..
وبهيه ليلة عُرسها،،
لفتّ شرفها لأُمَهَا،
دَبَحُوا الدبايح كُلها،،
لِبِنْتّ...بَنَات الحُور.
★.. التُوُتُه باقيه في حِلْمِنا،
بِتّهِـمِنا وتِلِمِـنَا،
حِلْم الصبايا غُنْـدِنَا،
فاتح ليلنا لشمسنا،
ويالشباب، فى عُيُوُن
والنَـهَار..
أيام ما كان الحِلم فِينَا،،
بِتِحْلَمُوُا كام ألّفْ دَارَ..
★... عالتوته والساقيه،
ياما إِنْحَكَتْ أَسْـرَارْ..
عايشه في رُوُحْ الرُوُحْ
من يُوُمٍ مَاكُـنَا صِغَـارْ.!!
/////////////////////////////////////////
رؤيه..من الزمن الجميل،
والطفوله المبكره.لقريتنا
ةكفر العنانيه.. السنبلاوين،
"""""""""""""""""""""""""""
العمدة...
محمد المنسي خليل..
المحامى
السنبلاوين....مصر.
ليست هناك تعليقات:
إرسال تعليق