شدى حيلك يابلد ....
...................
قالو الزمن غدار
ان طال مايرحمشى
هو الزمن انسان
ولا احنا ما نعرفشى
ما هو كله بايدينا
وكل العيوب فينا
طب ليه ما بنخافشى
بصرخ وصرختى مسموعه
بس الودان طارشه
تعبت انا م الاسي
وعيشة مرار ناشفه
مين فى الحياة دايم
وناس عمرها عايشه
ناس عيشتها امان
وناس م الاسي خايفه
انا ابنك يابهيه
حنى عليه مره
ابوس انا جزمتك
تعبت من الاسوه
فى الغربه انا متهان
بعدك مافيش نخوه
ماتشدى حيلك بقى
هاتى الولاد م الغربه
داهم ليك السند
يابهيه والعزوه
على شحاته سليم
ليست هناك تعليقات:
إرسال تعليق