عينى عليه البغل يوم عرف ان ابوه فرس
نادا وسط الحمير وقال اناابن اصول
حل ياعم العريش وشيل الجرس
انا م النهارده عن جر العجل مفصول
رفع رجوله لفووووق وقام جارى وقرص
انا قصتى كما عنتره
فوق الجبال راح اجول وصول
لوحتى اكل م الثرى
انا ابن الحصان ومش مجهول
وغاب يومين وم الجوع اتخرس
رجع للعريش مبلول مذلول
بعد ما ضربوه الحرس
ابعد يابغل مش هتاكل فول
الفول ما يكلوش غير فرس
يالا غور الخياله على وصول
اهو ده اللى من اصله اتقرس
قال ياريت الاصل بيوكل
يلا انا واصلى اتوكل
واربط عريشى و الجرس
اما يادنيا عليكى فصول .
اشرف السمان .
ليست هناك تعليقات:
إرسال تعليق