( روحنا طلعت من زمان )
قــومي يامَّه ومـدي إيدك
الــزمان .... بهـدل بناتي
وكيف أحس بطعم عيدك
ويوم مماتك كـان مماتي
****
نفــسي تيجى في المنـــام
وتقوللي خـلاص سامحتك
وأنسي يا بني .. الخصـام
واوعي تاكل .. حق إختك
****
قومي يامه واحفـري لي
قبــر تاني ... جنب منك
أيـــوه باكل ... من قليلي
بس غايب ....عني مَنِّك
****
قومي يامه .. ماتسأليش
عن لجينٍ .. أو سيمــان
خبرينا الزاي .... نعيش
وروحنا طلعت من زمان
******
شعر / حمودة سعيد محمود
ليست هناك تعليقات:
إرسال تعليق