العاشر من رمضان
******
زي النهارة وكان يوم عشرة
فرحت مصر وجتنا البشرى
ابطالنا رجعت بالفرحة
غنوتنا جيانا ورايحة
مصرنا رقصت بالطرحة
وشوفنا الانتصارات بالنشرة
قالها بطلنا وقائدنا....
وارتحنا بعدها وفرحنا
واهي رجعت بهجتنا لينا....
لما حررناكي ياسينا
كانت فرحة شعب كبيرة
وسعادة ف قلوبنا اسيرة
هى كلمة وقالها اخيرة....
ملت الفرحة حقيقي عنينا
جبشنا حالف انه مايرجع
الا معاه النصر حليف
وعن تكبيرنا ماحد بيمنع...
الا بعد عبور باريف
عبروا جنودنا وسط نيران
وسط نابلم بينا فرحان
وحولنا صحارينا ريحان
والتكبير مرعب ومخيف
هافضل اكتب وباعتزاز....
وافتخر واحكي لاولادي...
عن اكتوبر وانتصاراته...
واولادي يحكوا لاحفادي
عن البطوله عن الشجعان
اللى حصلت في رمضان
عن جنود ضحوا بارواحهم...
كانوا اسود في كل وادي
********
بقلم /رمضان عبدالله أحمد
ليست هناك تعليقات:
إرسال تعليق