ةةةةةةة
شوفت امبارح ..ايوه انا شوفت
شوفت التعلب ..راكب يخـت
والجنيه ..عامله وًليه ..
جنبها ١٠٠ ..يقروا البخت
شوفت وشوفت ..شوفت عجايب
شوفت القرده ..بتلعب شايب !!
ويا الحيه ..ف غيط السنط .......
شوفت الإبره ..تخيط بحر !!
قط وقطه ..يخلفوا فأر !!!
شوفت الفقر ..يشيل ويحط ........
شوفت الوزه ..بدها جايزه
قفل ورزه ..لبيت البط .....
شوفت التيس ..ع المكتب يكتب
يرسم مركب ..يقرا ويعرب ..
تحت النعجه ..يشد الخط ........
شوفت النمله ..بتكتب إملا
تلعب طاوله ..وتقرا النت .......!!
عم السيد بات متقيد ..
نفسه يعيد ..جمعه وسبت ......
نفسه يمشى ..مره ف شارع
ياكل كبده ..وفتة كارع ..
نازل طالع ..من غير ضغط ......!!
نفس نفيسه ..لعبه عروسه
رمزى ونوسه ..أخ وأخت ....
مدنه كنيسه ..احمد ..عيسى
من غير ساسه ..يلاقوا الشط ....!!
نفسى ف هدنه ..نبنى بلدنا
نغسل ايدنا ..بمية حب
نقسم قوتنا ..نعدى الفتنه
نصلى صلاتنا ..وندعى الرب .....
نلم الليل م النيل ..و الويل
نعدل كيل ونخطى ..الصعب .....!!
فتحى وهاله ..وروح شغاله
بالسقاله يصحوا ..الشعب ..........!!
بكف يكفى ..كم وكيف
وقلب مصفى ..صفاء الريف
أخضر نادى ..وديما شاب ........!!
يطفى عرقنا ..حر الصحرا
يزرع قمره ..تمد لبكره
تطرح فكره ..وكام اردب ........!!
هدمه جديده ..ف صحن الخير
قلب يرفرف زى ..الطير
قلب العاشق لما يغير..
ينسى الدنيا ..بنت الكلب .......!!
كلنا واحد ..كلنا حزب
لاجل نعدى كل مطب ..
نرسم صورة شابه ..وشاب
مركبه خضره ..عارفه الدرب ........!!
ةةةةةةةةةةةةةةةةة
الشاعر/ابراهيم القاضى
ليست هناك تعليقات:
إرسال تعليق