تباريح نهار .. شعر .. فهمي على

انده ولادك للميدان يا نهار
و احدف عليهم م الرضا بساتين
قول يكفى فرقة و قصر المشوار
بكفاية نخسر بالعداوة سنين
انده عليهم .. قول لهم كدا عيب
دم اللى ماتو ... ف الرقاب لو ضاع
ناسيين يناير .. و اللى كنتم فيه
ضحكاية حلوة .. بددت اوجاع
لملم شتاتهم ... كلهم حلوين
مافيهومش خاين مهما قال او عاد
كان حلمه تكبر بين شعوب الكون
و يشوفها جنة تحضن الاولاد
فكر لوحده .. لما حس بخوف
و خياله قاله ... وحدى ابنيها
جمع صحابه ... و الامانى ظروف
و بحسن نية .... راح غرق فيها
فبلاش نعاتب تانى بعضينا
و نروح حوارى .. فى النهاية سد
انده علينا ... و شد ف ايدينا
بالله ما تزهق .. و اوعى تنسى حد
شعر .. فهمي على

#فهمى_على