ةةةةة
نقطه..ومن أول السطر
وارسم عروسه ع الممر
وقلب ورور..جنب نهر..
ألف مرسى وألف بر
ألف حاره ملونه...
إرسمنى أنا. .
وأنا لسه بحبى ع السكك
وضلى مادد للسما..
قلبى الصغير كان ملك
كل البريه..ربما..
وكفى الحرير قد غزل
توب الحياه...مثلما..
صاغت عيونى ..شعرها
فيه البهيه..مسلمه.
إرسمنى أنا.....
وإرسم معايا..كل الأحبه
والدنيا شابه..
عبقريه ملهمه..
ارسمنى أنا...من جوه جوه
الابتسامه الفسيحه.والهوه
الشرد والنوه...
ناديت حمامه زغلوله
مسمعتش الاولى ..
والتالته وال ١٠٠
بلا حنيه ..تودنى
قلبى..المشتاق .شدنى
قلبى لسه بداره..
وانا قلعى ف الحاره
قلبى ..شيطان مش ملك
حب الصياد والسمك
والجن الاحمر ..والشبك
داب.وانهلك...
كوم الطمع..هزلان
وزرع ألجشع. دبلان
ارسمنى أنا الإنسان..
إرسم بواقى ضلى.
والطرحه الحرير والتلى
قلبى أساور فضه
جنبه الحياه فوضى
السكه الحديد والقطر
من رحلة عنا بالمر..
فى نقطه من أول السطر....
ةةةةةةةةة
الشاعر /ابراهيم القاضى
ليست هناك تعليقات:
إرسال تعليق