الشاعر
رضا علي احمد ابو شنب
المنصورة/ ميت غمر
١٣/٠٩/٢٠١٨
قصيدتي الجديدة
(الامثال)
........................
الامثال بتعيش جوانا
قاعدة تلف معانا وتدور
مرة بتوصف لينا المترو
ومرة تركبنا الحنطور
مرة يقولو للعمشة في بيتها
دا انتي جمالك بدر بدور
لما صاحبنا يقرب منها
يلقي الطابق كان مستور
......................................
جابو حزينة وقالو هنفرح
علقو زينة داير ميدور
دبحو دبايح عزمو الناس
حتي المطرب كان مشهور
وسط الفرحة وقامت عاركه
قتلو عريسها وطفو النور
قتلو الفرحة في قلب حزينة
خلو جناحها صبح مكسور
................................
لما الندل بينصح صاحبه
يبقي كلامه كله فجور
خليك ندل تعيش مطمن
خليك ندل تموت مستور
لو قدامك حد بيغرق
وانت الحال وياك ميسور
اوعي تحاول تنقذ اهله
سيبه يا عم يروح ويغور
لو بيتك ولع قدامك
او علي عرضك حد يجور
او تعبان بيعض في جارك
او عفريت راجل مسحور
خليك خايف زي عوايدك
احسن يجي عليك الدور
لو عدو يخش بلادك
ياخد الارض ويمنع زادك
يمحي تاريخ ويهين اجدادك
اوعي في مرة تقوم وتثور
روح اداري في وسط ولادك
اعمل ميت او مكسور
احسن يجي عليك الدور
...........................
الحراميه دفنو حمار
جوا الصحرا عملو مقام
كتبوعليه الشيخ مندور
لبسو الابيض ويا العمة
خلو الكل بيجي يزور
اللي ولدها يا عيني مخطوف
واحده وجوزها عنده ظروف
اللي بيشكي العيشة المرة
واللي يعاني من الغضروف
وقف الكل امامه طابور
اللي بيدبح مرة خروف
واللي بيجي علشان ملهوف
واللي تمللي يحط نذور
الامثال بتعيش جوانا
قاعدة تلف معانا وتدور
رضا علي احمد ابو شنب
المنصورة/ ميت غمر
١٣/٠٩/٢٠١٨
قصيدتي الجديدة
(الامثال)
........................
الامثال بتعيش جوانا
قاعدة تلف معانا وتدور
مرة بتوصف لينا المترو
ومرة تركبنا الحنطور
مرة يقولو للعمشة في بيتها
دا انتي جمالك بدر بدور
لما صاحبنا يقرب منها
يلقي الطابق كان مستور
......................................
جابو حزينة وقالو هنفرح
علقو زينة داير ميدور
دبحو دبايح عزمو الناس
حتي المطرب كان مشهور
وسط الفرحة وقامت عاركه
قتلو عريسها وطفو النور
قتلو الفرحة في قلب حزينة
خلو جناحها صبح مكسور
................................
لما الندل بينصح صاحبه
يبقي كلامه كله فجور
خليك ندل تعيش مطمن
خليك ندل تموت مستور
لو قدامك حد بيغرق
وانت الحال وياك ميسور
اوعي تحاول تنقذ اهله
سيبه يا عم يروح ويغور
لو بيتك ولع قدامك
او علي عرضك حد يجور
او تعبان بيعض في جارك
او عفريت راجل مسحور
خليك خايف زي عوايدك
احسن يجي عليك الدور
لو عدو يخش بلادك
ياخد الارض ويمنع زادك
يمحي تاريخ ويهين اجدادك
اوعي في مرة تقوم وتثور
روح اداري في وسط ولادك
اعمل ميت او مكسور
احسن يجي عليك الدور
...........................
الحراميه دفنو حمار
جوا الصحرا عملو مقام
كتبوعليه الشيخ مندور
لبسو الابيض ويا العمة
خلو الكل بيجي يزور
اللي ولدها يا عيني مخطوف
واحده وجوزها عنده ظروف
اللي بيشكي العيشة المرة
واللي يعاني من الغضروف
وقف الكل امامه طابور
اللي بيدبح مرة خروف
واللي بيجي علشان ملهوف
واللي تمللي يحط نذور
الامثال بتعيش جوانا
قاعدة تلف معانا وتدور
ليست هناك تعليقات:
إرسال تعليق