================== لما با ا ودعك
####################################
لما باودعك
باسحب من دنيتى الشىء البهيج
تنزل ستاير سودة والاحزان تهيج
كل شىء يتبدل بتدريج
القانى مع نفسى متخاصمين
والجد يصير تهريج
ارجع لاول العمر
وصعب ارجع
كل شىء حتى البسمة توجع
وانت بعيد
قول لى ايه مش بيوجع
غير الاشتياق بالتأكيد
وشىء بيغيب يغيب ويرحع
يئن فى الروح بشكل غريب
افرد حياتى على كل خطوة ف الطريق
وصعب ارجع
الوداع خطوة واحدة
بكل سهولة اسلم حلمى وارجع
اصاحب ضل الشجر والرصيف
وألمحك فى كل ضحكة وردة
وفى كورنيش كل صيف
وانت بعيد
احكى لمين عن القمر
واغنى لمين اغانى حليم
اضحك لمين وابكى لمين
يا اخر الاحلام واخر حنين
قولى لى بعدك احلم بمين
==============محمدعبدالمقصودداود
ليست هناك تعليقات:
إرسال تعليق