بائعة الورد
مين يشتري الورد مني وانا مش بياعة ورد
بهديه للأحبة من غير فلوس وبكل حب وود
معايا الورد على كل لون والأحمر لون الخد
والأبيض للى قلبه أبيض ولاخان يوم العهد
والأصفر لون الغيرة وغيرة الحبيب لذيذة
والبنفسج بيقولو حزين والبهجة فيه ميزة
وورقه الأخضر ياجماله يصونها ويجعلها عزيزة
يحافظ علينا من الشوك وحب الورد غريزة
يارينى أقدر افوت على كل الأحباب
وازين بابهم ببوكيهات الورد على الباب
وكمان أعدى واهديه لكل الأصحاب
مين يشترى الورد دى ألوانه تسحر الألباب
تعال يابيه خد وردة بيضا إهديها لزوجتك
أو تاخد الوردة الحمرا الجميلة لحبيبتك
والوردة الصفرا خدها وإهديها لخطيبتك
مين يشتري الورد مني
الورد ياجماله لونه زاهي وفتان
والبنات تاخده زينة على الفستان
ده الورد لسه قاطفاه من أجمل بستان
وزهوته وريحته وعبيره في كل مكان
إتفضلي ياهانم وانت يابيه هدية مي كمان
مين يشتري الورد مني
بقلم /
سامية محمد غانم
ليست هناك تعليقات:
إرسال تعليق