عيب الدهر بقلم
سفير الكلمة عبدالله العمراني
عيب الدهر مايكرم رجاله
اللي راعوا فريضة الحق
متروكين في حالهم غلابه
همهم كبير وعليهم طبق
والأنذال عاطيهم منابه
مطلوقين في كل الطرق
قدرهم عالي وهم نهابه
المال الحرام وياما سرق
كثير انجاس هم نصابه
في كل مكان ليهم نفق
منه يصطادوا كل الصابة
بيها يكونوا دير وحلق
يصبح باشا وكلمة مجابه
وهوا واطي يستاهل الدق
لو لا الدهر حدفه وجابه
ماكان يوم يصعد بصدق
ويكون امين وليه مهابه
وبيدة يبصم على الورق
وهوا راوي بالخيابه
وعديم ضمير وشر مطلق
على المجتمع ومصدر اسبابه
صنيع النفاق وصنيع الفسق
منكور حتى من اصحابه
انعيش في زمان ماليه افق
مظلم ودامي وقاسي خرابه
معاد فيه قلب رحيم و يرق
والناس تعبت من الكذابه
كل مافيها فاض واتفلق
وعيب الدهر مايكرم رجاله
والأنذال صبحوا الأحق
ليست هناك تعليقات:
إرسال تعليق