* قصيدتي ( لحظه فارقه )
لحظه فارقه في الحياه
يوم عبورنا كان نجاه
كلمه فارقه في التاريخ
عبور مظفر كان مليح
صوته سمع كان فصيح
الله اكبر كلام مريح
لقطه من عمر الزمان
اعدادنا ليها كان تمام
جيش وشعب والتحام
بعد ما ظن اللءام
إن إحنا ممكن يوم ننام
أو حتى نبعد عن الحدود
أوهام مريضة خيال حضيض
جبان ما يعرف احنا مين
ما احنا شعب الجبارين
تاريخ عظيم سنين سنين
جينات بتسري في العروق
عناد تحدي مش خنوع
ايدين وثابته على الذناد
كلام كأنه من بارود
يقوله اثبت اصحي فوق
بلاش تغامر أهدي روق
حلفنا يومها ما يوم ننام
ولا يهني لينا في يوم منام
وبلادنا غارقه في الظلام
تارنا واعر مش مريح
صوته عالي تقول فحيح
حشودنا لابده في الثغور
سفنا طايحه في البحور
طيران بيحفر في القبور
مدافع بتهدر تقول دا غول
جنودنا تعبر سيول سيول
وحوش بتصعد جبال تنيخ
غبار ويعلي كأنه ريح
نقاط بتسقط واللي فيها
جنود بتبكي تقول صريخ
اسودنا تجري في السهول
تزءر تنادي تهتف تقول
الله اكبر يا جيش بلادي
تعيش وتكبر فرحه ولادي
وعلمنا ينبت في كل وادي
شعراءنا تكتب بالفصيح
كلمه فارقه في التاريخ
عبور مظفر كان مليح
صوته سمع كان فصيح
الله اكبر كلام مريح
* انتهت من فضل الله تعالى قصيدتي ( لحظه فارقه ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق