==========- كان هوانا تاقصة له لهفة
########################################
كان هوانا ناقصة له لهفة
ناقصة له كلمة مش شفايفنا تقولها
كنت ارتب فى الحروف متكنش جافة
بس اصوات الشوارع تسحب الاحساس فى لفة
انغرز فى عيونك وتتوه منى ضفة
لما ع الناصية اشوفك والعيون عليكى ملتفة
انتى ليه والا مع حد تانى منصفة
كنتى اول بنت تسحب النبض بخفة
كنت اول بنت تحضن القلب وهو لسه فى لفة
خدت ايه من هواكى
غير دموع فى كل سكة
كنت اول بسمة ع الكورنيش اشوفها واقفة
واخر محطة فى العمر ورجفة
كان هوانا ناقصةله لهفة
ناقصة ايد تتمد وما ترجع بغصة
ينكتب فى القلوب احلى قصة
بنت كانت احلى البنات
بس القصيدة اوزانها ناقصة
كنت بتأمل فى شكل عينيها واسرح
انسى كل المسافات وألمح
جنة فى الحلم تشرح
بس كان هوانا ناقصة ايه
ناقصة احساس حقيقى يبتديه
احنا خوفنا م الكلام
بس فى السكوت دارينا خوفنا
واخترنا نموت
سبنا هوانا يتخبى فى تابوت
الحلم كان غامض منقوش جوا البيوت
بس احنا ما قدرنا نبنى له حيط
كنت باقرى م اليمين او م الشمال
القراية ماكنتش تمام
واللى شاف الورد يصرخ جوا شوكه
خاف يقطفه
خاف م القدر ما ينصفه
خاف من سيف الحياة يقصفه
العتب كان ع السكوت
مش ع الكلام اللى لما استوى فى الحقيقة
خاف من كل التخوت
وخاف م النظرة متكنش بريئة
-------------------------------------محمدعبدالمقصودداود
ليست هناك تعليقات:
إرسال تعليق