الحما
أول لُقى للحما
يا فرحي يا هنايا
الفرح جه عندنا
والسعد جا معايا
آخرة شقايه وخدمتي
لحماتى وحا…. مايا
وهى خانقه أمهم
عايشين فى قلّ…. لايه
وباختصار الفرح
نصبوا له رايا تة
ترقص في حضن ابنها
وتبوس فى حا… ماته
دخلت عليها العروسه
فاكرة الجواز بوسه
يوماتى جايه امها
شايله ومِح…. تاسه
يا تُلتميت مرحبا
خُشى ماعدناش غُرب
عايشين على دى الماؤنه
فاكهه وأكل وشرب
حبل المؤنه إنقطع
وبدأنا فى ال…. دوخه
طب ليه يابنتى كدا
الباميه مل….. بوخه
عيدى غسيل الحلل
بلاش مرض ع الصبح
روحي فضى وإملى القلل
يلا أنشرى عال….سطح
جه للعروسه هزل
وفي الدماغ دوخه
ردت عليها الحما
مالك يامف…ضوحه
عمّاله تترقصى
فى الشقه طول الليل
لابسه القميص عالجَلَد
والهم فاض م ال… كيل
حرام عليكى بقى
وبطلى تبُصي
وأنا اللى جايه كدا
ما عادشى غير نُصى
وإللى يشوف خلقتك
يفرح ويرقص يوم
أشوفُه فى وليتك
ولكل ظالم يوم
مرسى الذكى. مصر
مرسى عبد العليم محمد
ليست هناك تعليقات:
إرسال تعليق