=-- ايه اللى باقى منى
##################################
ايه اللى بقى منى
وانتى ملكت القلب
وسكنتى الننى
بعد ما روحى تاهت عنى
حتى ملامحى هربت ماعاد تشبهنى
خلقتى من ضلع حلم
حلم غريب بيتعبنى
اخضر من شجربكر وحاضنى
تلسعنى شمسه لما ابص فى عينيها
واحلم بالنور فى وجدانى
متخفى فى العتمات وفى تباشير اشجانى
يرفض هزيمتى وييتكبر
زى فرحة فى الحب الخايبة او لهفة
والا انتظار ل صدفة
ايه اللى بقا منى
مركبى تاهت فى كام لفة
والليل عذابات ملتفة
ابدأ منين تانى
واجيب عيون ادفى
واكتب قصايدى من اى شفه
القلب صار مكسور من قلة الرأفة
والعمر بيقفل بيبانه مستنى اخر حتفه
ايه الى بقى منى
ح اعيش لا انا عارف اول طريقى
والا فى منتصفه
=====================محمدعبدالمقصودداود
ليست هناك تعليقات:
إرسال تعليق