إبن المحظوظ
===================
نفسي اتسدت م اللي بشوفه
من أوضاع صبحت مقلوبة
كلب الحارة طلع فوق خوفو
عملوه تريند ، وبقى أعجوبة
ذاع صيته ..... وكأنها عدوى
اللي يقول خدوا منه القدوة
واللي عمله ،. موضوع ندوة
والحدوتة بقيت سبوبة ..!!!!
لمة وفُرجة ...... تقول أرجوز
لجل بصورة ... سيلفي نفوز
كن بلدنا ........ ناقصها رموز
ولا عقولنا بقيت مخروبة ..!!!
قالوا دا محظوظ وابن ذوات
واتصدر ........... كل القنوات
جايله عروض .. ع الفضائيات
في فرنسا وبلچيكا وكوبا ..!!!
راح ندعيله ..... في ليلة القدر
وحلفنا ............ لنوفي الندر
لو جابلنا اوسكار ....... لبلدنا
نبدر ورد ............ لحد النوبة
Zenab Seleem
ليست هناك تعليقات:
إرسال تعليق