الشباب ما يحسوهاش 
..................
قومي يا حاجة نصلي عصرنا أذن خلاص
الزعل خليه يولي م الفريضة مافيش مناص
لسه بتغييري عليا وتقوليلي إهمد شويه
كل افعالك تكون قدام عنيه
هي فين افعالي يا اجمل هدية
ما انت عارفة
لجل اقوم أسند واخطي
ببقى م الغضروف موطي
ده انتِ مرسايا و شطي
انت عارفة تبقى مين ؟
عمري كله والوتين
حب ممزوج بالحنين
انت ف الصيف النسيم
نوري فى اليل العتيم
بلسم الجرح الأليم
..........................
في الشتا انت الدفا
أجمل معاني للوفا
الله عليك وقت الصفا
شاي بالحليب وقرص طرية
ولما اغيب تجري عليه
الشاي برد يا نور عنيا
.............
ولما بتصحيني اصلي
طبطبة ايدك تعلي
سقف احلام التجلي
..........................
سمعيني ضحكتك ما سمعتهاش
من تلات أيام كأني ما عشتهاش
الله هالله ع النغم
دنيا مليانة نعم
والشباب مايحسوهاش
ليست هناك تعليقات:
إرسال تعليق